နှင်းဆီရဲ့ အချစ်တရား

 “မိုက်မဲတယ် ထင်ချင်ထင်တော့

ဘယ်သဇင် မသေဆုံးပါသလဲ

ရှင်သန်တုံး လှပမွှေးရီ

နှင်းဆီရဲ့ အချစ်တရား..” ဆိုတဲ့ ဆရာမကြည်အေးရဲ့ ကဗျာလေးတပုဒ်ပါ။ ဒီကဗျာလေးကို ကြိုက်လွန်းလို့ မှတ်စုထဲထည့်ထားတာ ကြာခဲ့ပါပြီ ။ မိတ်ဆွေတယောက်က နှင်းဆီပန်းစည်းလေး ကိုင်ပြီး “နှမျောလိုက်တာ အကြာကြီးလည်းမခံဘူးနော် ဈေးကြီးကြီးပေးရပြီး ခဏလေးနဲ့ညိုးသွားပြီ” တဲ့လေ၊ အဲ့ဒီစကားကြားလိုက်လို့ ဒီကဗျာလေးကို အမှတ်ရသွားတာပါ။ တကယ်တော့ သဘာဝတရားက ပေးထားသလောက်ပေါ့..။ အကြာကြီးခံပါတယ်ဆိုတဲ့ သဇင်တို့ သစ်ခွတို့တောင် အချိန်တန်ရင် ညှိုးနွမ်းရသေးတာမို့လား။နှင်းဆီပန်းလေးကို အပြစ်မပြင်ကြပါနဲ့ သူလည်းသူ့သက်တန်း ရှိသလောက် နေရတဲ့အချိန်လေးမှာ လုပ်သင့်တာကို လုပ်နိုင်သလောက် လုပ်သွားခဲ့တာပဲ၊ နီးစပ်ရာ လူတိုင်းကို စိတ်တွေလန်းဆန်စေတယ် သူ့ရဲ့မွှေးကြိုင်တဲ့ ရနှံ့လေးကိုပြန့်လွင့်ပေးခဲ့တယ်၊      

              ခဏတာလေး ရှင်သန်နေထိုင်သွားပေမယ့် သူတို့ရဲ့ ရှင်သန်နေထိုင်မှုကို အချည်းနှီးနဲ့ ကုန်ဆုံးမသွားခဲ့ကြပါဘူး။ သူတို့တွေဟာ ရှင်သန်နေထိုင်နိုင်တုန်းလေးကို ၀င့်ထယ်စွာနဲ့ လူတွေရဲ့ စိတ်နှလုံးကို ငြိမ်းချမ်းမှုတွေ ပျော်ရွှင်မှုတွေပါ ပေးဆောင်ခဲ့ကြတယ်။

             ဒီနှင်းဆီလေးလိုပဲ တို့တတွေလဲ မနုဿတ္တဒုလ္လဘ ရခဲလှတဲ့လူ့ဘ၀ နေရတဲ့ ခဏလေးမှာ မိမိကိုယ်ကျိုးတခုတည်းသာ မကြည့်ပဲ၊ လောကအကျိုး သာသနာ့အကျိုး ရပ်ကျိုး ရွာကျိုး နိုင်ငံ့အကျိုးတို့ကို တတ်နိုင်သလောက် ၊ လုပ်သင့်တာကို လုပ်နိုင်သလောက် လုပ်သွားကြရအောင်

            နှင်းဆီလေးတောင် မနွမ်းသေး၊ မကျွေသေး၊ မခြေက်သေးခင်အထိ သူတာဝန်ကို သူတာဝန်ကျေအောင် လုပ်ဆောင်သွားခဲ့တယ်လေ ။ ။

လုပ်မှ ရမယ့် အလုပ်

လူ့လောကကို စရောက်လာတာနဲ့တပြိုင်နက် ဘာမှန်းမသိတဲ့ စာချုပ်တခုကို သေမင်းနဲ့ သဘောတူ လက်မှတ်ရေးထိုးခဲ့ရတယ်၊ အဲ့ဒီတုန်းက ဘာစာချုပ်မှန်းမသိခဲ့ဘူးလေ။ အခုချိန်မှ စာချုပ်ကို ပြန်လှန်ကြည့်မိတော့ စာချုပ်ပါအချက်အလက်တွေက…….. လူ့လောကကိုရောက်ရှိလာသော အမောင်လူသားအား ခန္ဓာတခုကိုငှါးရမ်းပေးအပ်လိုက်သည်၊ ၎င်းခန္ဓာကို ကျွှန်ုပ်သေမင်း ပြန်လှည် တောင်းဆိုသောအချိန်တွင်ချက်ချင်း ပြန်ပေးရမည်။ ဤခန္ဓာအား မိမိငှါးရမ်းသုံးစွဲသောအချိန်မှစ၍ ၎င်းခန္ဓာအတွက် လိုအပ်သော စားဝတ်နေရေး ကျမ္မာရေးမှအစ ကိစ္စအ၀၀တို့သည် ငှါးရမ်းသုံးစွဲသူ အမောင်လူသား၏ တာဝန်သာဖြစ်သည် တဲ့လေ။                                         ကဲ…ခုဘယ်လိုလုပ်မလဲ၊ ပြန်ပေးရမဲ့ အချိန်ကနီးသထက်နီးလာပြီလေ၊ သိတတ်တဲ့အချိန်ကစပြီး ဒီငှါးရမ်းထားတဲ့ခန္ဓာကိုယ်ကြီးအတွက်ပဲ လုပ်ပေးခဲ့ရတယ် သူစားဖို့ သူနေဖို့ သူဝတ်ဖို့တင်အားမရဘူး သူက အဖေါ်လိုချင်တယ်ဆိုလို့ ဘာမှလည်းမတော်စပ်တဲ့ လူတယောက်ကို လက်ထပ်ပြီး ရှာဖွေ ကျွေးမွေးရပြန်ရော လင့်ဝတ်တရားတဲ့၊ မယားဝတ်တရားတဲ့၊ အို… ရှုတ်နေတာပဲ၊ ဒါတင်ပဲလားတဲ့၊ ဘယ်ဟုတ်ရမလဲ သားတွေ သမီးတွေတိုးပွါးလာတော့ ဆက်လက်ပြီး ကျွန်ခံလိုက်ပါဦးတဲ့၊ ကဲခုချိန်ထိ ကိုယ်ပိုင်အလုပ်ကို ဘာမှမလုပ်ရသေးဘူး။ သေမင်းဆီကငှါးထာတဲ့ ခန္ဓာကြီးအတွက်ပဲ လုပ်ပေးနေရင်း တဖြည်းဖြည်း ပြန်ပေးရမဲ့ရက်က ရောက်တော့မယ် ပေးဆပ်ရတာနဲ့ ပြန်ရတာတာ မတန်လိုက်တာကွာ၊ တန်အောင် ကိုယ့်အတွက်အကျိုးရှိအောင် တခုခုတော့လုပ်ရမှာ မဟုတ်လား။ ငါသေသွားတဲံအခါကျတော့ အခုငှါးရမ်းထားတဲံ့ ခန္ဓကိုယ်ကောင်ကြီးနဲ့အတူ ရှာထားဖွေထားတာတွေရော ရွှေတွေ ငွေတွေ တိုက်တွေ ကားတွေ ဇနီးမယားသမီးသားနဲ့ လင်သားအိမ်ရာအဖြာဖြာ အားလုံး အားလုံး ထားခဲ့ရမှာလေ၊ ဒီတော့ သေရင်ကိုယ့်အတွက် ယူသွားလို့ ရမယ့် ဒါန သီလ ဘာဝနာစတဲ့ ပေးကမ်းစွန့်ကျဲ လှုဒါန်းခြင်း၊ ကိုယ့်ကျင့်တရား ကောင်းမွန်အောင် ထိမ်းသိမ်းစောင့်ရှောက်ခြင်း၊ တရားဘာဝနာ ကျင့်ကြံပွါးများအားထုတ်ခြင်းအလုပ်တွေလုပ်နိုင်မှသာ ကိုယ့်အတွက်အမြတ်ရမှာမို့ အမြတ်ကျန်အောင် လုပ်ရတော့မှာပေါ့နော် လုပ်ကိုလုပ်ရမှာတော့မှာနော်။ ကိုယ်လုပ်မှ ကိုယ်ရမဲ့ အလုပ်မို့ မေတ္တာဖြင့် သတိလေး ပေးလိုက်ပါရစေ။ ။