လိမ်ညာတာနဲ့ ဟန်ဆောင်တာကို လိမ်ညာဟန်ဆောင်တယ်လို့ တွဲပြီး ပြောလေ့ပြောထရှိပါတယ်။
တကယ်တော့ လိမ်ညာတာ နုတ်မှုရေးရာနှင့် ပတ်သက်ပြီး၊ ဟန်ဆောင်တယ်ဆိုတာက ကိုယ်မှုရေးရာနှင့်
သက်ဆိုင်ပါတယ်။ ဓမ္မပဒမှာ ရှင်တော်မြတ်ဘုရား မိန့်ကြားထားတာ တစ်ခုရှိပါတယ်။
ဧကံ ဓမ္မံ အတီတဿ၊ မုသာဝါဒိဿ ဇန္တုနော၊ ၀ိတိဏ္ဏပရ လောကဿ၊ နတ္ထိပါပံ အကာရိယံ။
မှန်သောတရားတစ်ခုကိုလွန်၍ မုသာစကားလိမ်ညာ ပြောဆိုလေ့ရှိသော နောင်ဘ၀အတွက်
ဆင်ခြင်စဉ်းစားခြင်း မရှိသော သူအား မပြုနိုင်မည့် အကုသိုလ်မည်သည် မရှိ။ လိမ်ညာပြောဆိုတတ်တဲ့ လူဟာ
တော်တော်ကြောက်စရာကောင်းတာပဲနော်။ ငါးပါးသီလ၊ ရှစ်ပါးသီလ ရှိတဲ့အထဲမှာ မုသာဝါဒကံ တခုကလွဲရင်
ကျန်တဲ့သီလ အကုန်လုံတယ်လို့ ပြောရင် ဒီလူကို ဘယ်လိုလုပ် ယုံရတော့မှာလဲ။ သူတပါးအသက်ကို
သတ်တယ်၊ သူတပါးပစ္စည်း မတရားယူတယ်၊ လင်ရှိမယား၊ မယားရှိလင်နဲ့ ပြစ်မှားဖေါက်ပြန်တယ်၊
မူးရစ်စေတတ်စော အရက်တေဇာတို့ကို သောက်စားတတယ်။ ဒါပေမဲ့ အဲ့ဒါတွေ တခုမှမလုပ်ပါဘူးလို့ပြောရင်
ယုံရပမလား။ ဘာကြောင့်လဲဆိုတော့ သူကလိမ်ညာပြောတတ်တဲ့လူလေ။ ဒါကြောင့် မြတ်စွာဘုရားက မိန့်တော်
မူခဲ့တာပေါ့ ။ မုသားစကားလိမ်ညာ ပြောဆိုတတ်သူသည် မပြုလုပ်နိုင်သည့် အကုသိုလ်မည်သည်မရှိဘူးတဲ့။ ။
ဟန်ဆောင်တာကြတော့ လိမ်ညာတာနဲ့မတူဘူး။
လူဆိုတာ အပုပ်ကောင် ရုပ်ဆောင်ထားတာမဟုတ်လား၊ လူ့ခန္ဓာဆိုတာ မသေလည်း ပုပ်၊ သေလည်း
ပုပ်တဲ့ခန္ဓာပါ။ လူကထွက်တဲ့အရာတွေဟာ မြတ်နိုးစရာ စွဲလန်းစရာ တစ်ခုမှ မရှိပါဘူး။ တကယ့်ရွံရှာဖွယ် အတိ
နဲ့ တည်ဆောက်ထားတဲ့ ခန္ဓာအိမ်ကြီးပါပဲ။ ထိုအပုပ်ကောင်ကို လူ့ဘောင်မှာ နေရာသွင်းဖို့ကျတော့ မပုပ်အောင်
လုပ်ရပါ တော့တယ်။ နံနေတဲ့ ဒီခန္ဓာကို ဘယ်တော့မှ မနံပဲမွှေးနေသလို အမွှေးနံ့သာတွေ ခြယ်ရပါတယ်။
ဖြူနေတဲ့ ဆံပင်တွေကို မည်းအောင်ဆိုးတာ၊ တွန့်နေတဲ့ပါးရေတွေဖုံးအောင် မိတ်ကပ်တွေ သုံးတာဟာ
တစ်ခြားသူအမြင်မှာ မိမိကိုယ်ငယ်စေချင်တဲ့စိတ်နဲ့ ဟန်ဆောင်နေတာတွေပါပဲ။ အားလုံးကို ကောင်းနေဟန်
သရုပ်ဆောင်နေကြတာ ဟန်ဆောင်မှုတွေနဲ့ ဖုံးအုပ်ထားတာ၊ ဒါတွေဟာ ဟန်ဆောင်နေကြတာပဲနာ်။
ဟန်ဆောင်ခြင်းမှာကြတော့၊ မာယာနဲ့ သာဌေယျ ဆိုပြီးခွဲခြားထားပါသေးတယ်။
မာယာဆိုတာက၊ မိမိမှာမရှိသည်ကိ ရှိသယောင်ယောင်ပြုခြင်းနှင့် မိမိမှာ တကယ်ရှိသော အပြစ်များ၊
အားနည်းချက်များကို ဖုံးကွယ်ခြင်းတို့ပါပဲ။ မာယာဟာ မကောင်းမှု အကုသိုလ်ပါပဲ။ ယောက်ျားဖြစ်စေ၊
မိန်းမဖြစ်စေ၊ ရှင်ဖြစ်စေ၊ ရဟန်းဖြစ်စေ မာယာများလာသည်နှင့် ပျက်စီးသည့် ဘ၀နှင့်ကြုံရတော့သည်။
ဖုံးကွယ်မှု မာယာတွေ များလာရင်တော့ လောကကြီးပျက်စီးဖို့ ဦးတည်နေပြီလို့ မှတ်ရပါတော့မယ်။
ကောက်ကျစ်ယုတ်မာတဲ့ ဟန်ဆောင်ခြင်းမျိုးကို ပါဠိတော်မှာ သာဌေယျ လို့ခေါ်ပါတယ်။
မိမိကိုယ်ကျိုးစီးပွားအတွက် မထိုက်တန်သော အကျိုးစီးပွားကို မမှန်ကန် သောနည်းလမ်းဖြင့် အရယူတတ်တဲ့
သဘောပါပဲ။ မိမိရှင်သန်ရာ ၀န်းကျင်က မိမိကို အထင်ကြီးလေးစားစေဖို့ ငွေမရှိပဲ ရှိဟန်ဆောင်တယ်။
ဂုဏ်မရှိပဲ ရှိဟန်ဆောင်တယ်။ပညာမရှိပဲ ရှိဟန်ဆောင်တယ်။ သီလမရှိပဲ ရှိဟန်ဆောင်ကြတယ်၊
မစွမ်းဆောင်နိုင်ပဲ စွမ်းနိုင်သယောင် ဆောင်တာတွေ စသဖြင့် များစွာရှိပါတယ်။
ဟန်ဆောင်မှုသာဌေယျဘာကြောင့်ဖြစ်ရတာလဲဆိုတော့မြင်မြင်သမျှတွေနှင့်ယှဉ်ပြိုင်လိုသည့်
မာနကြောင့်ပဲ ဖြစ်ပါတယ်။ ဟန်ဆောင်မှုဆိုတဲ့ သာဌေယျ နဲ့ ဖုံးကွယ်မှု မာယာတွေ များလာရင်တော့
လောကကြီးပျက်စီးဖို့ ဦးတည်နေပြီလို့ မှတ်ရပါတော့မယ်။ ရှင်တော်မြတ်ဘုရားက အင်္ဂုတ္တရနိကာယ်၊
စတုက္ကနိပါတ်၊ ရောဟိတ ဿဝဂ်မှာ ရောဟိတနတ်သားကို မိန့်တော်မူတာကတော့ အို ..နတ်သား
စင်စစ်အားဖြင့် သညာလည်းရှိသော၊ စိတ်လည်း ရှိသော တစ်လံမျှလောက်သော ဤခန္ဓာကိုယ်၌သာလျှင်
လောကကိုလည်းကောင်း၊ လောက၏ ဖြစ်ပေါ်ကြောင်းကိုလည်း ကောင်း၊ နိဗ္ဗာန်သို့ရောက်ရာ
အကျင့်ကိုလည်းကောင်း ငါပညတ်၏။ လို့ ရှင်တော်မြတ်ဘုရား မိန့်တော်မူခဲ့ ပါတယ်။ မိမိ၏ တစ်လံမျှသော
ဤကိုယ်သည် မိမိလောကဖြစ်၏။ မာယာ သာဌေယျတရားတို့ဖြင့် ဖန်တီးထားသော ဘ၀အိမ်သည်
အမှန်တရားဆိတ်သုဉ်းနေသဖြင့် ပျက်စီးဖို့အတွက်သာလျှင် ဖြစ်ချေတော့၏။
ဒါကြောင့် ဟန်ဆောင်မှုတွေနဲ့ ပြည့်နေတဲ့လောကကြီးကို အမှန်အတိုင်းသိခဲ့ရင် မက်စရာရယ်လို့ မရှိပါဘူး။ လူတွေက အိုခြင်းတရားကို အရွယ် နဲ့ဖုံးထားကြတယ်။ ငါ မအိုသေးဘူးလို့ပဲ မှတ်ကြတယ်။ အချိန်နဲ့အမျှ အိုနေတာ မသိလို့ပါ။ နာခြင်းတရားကို ဆေးဝါးဓာတ် စာနဲ့ ဖုံးထားကြတယ်။ အမြဲတမ်းဖောက်ပြန်ပျက်စီးနေတာ မသိလို့ပါ။ သေခြင်းတရားကို မသေနိုင်သေးဘူးဆိုတဲ့ အထင် တွေနဲ့ ဖုံးထားကြတယ်။ ဘယ်အချိန်မဆို သေနိုင်တယ်ဆိုတာကို မေ့နေကြလို့ပါ။
တစ်နေ့ကို အနည်းဆုံးတစ်ခါလောက် မိမိနာနဲ့ကြားလောက်ယုံ ရွတ်ဆိုကြည့်ပါလား။ ငါသည်အချိန်နှင့် အမျှ အိုနေပါလား၊ ငါသည်အချိန်နှင့်အမျှ နာနေပါလား။ ငါသည်အချိန်မရွေး သေမှာပါလားလို့လေ။
ရိုးသားတာဟာ သီလလို့ ဆရာတော်ကြီးတွေ အမိန့်ရှိခဲ့ကြပါတယ်။
ဒါကြောင့် တို့တတွေဘ၀ အစဉ်လှပနေရအောင် မာယာ သာဌေယျနှင့် လိမ်ညာမှုများ ကင်းနိုင်သမျှကင်းအောင်
ကြိုးစားကြရအောင်လို့ ဆန္ဒပြုပရစေ။
သတ္တ၀ါအားလုံး ကိုယ်စိတ်နှစ်ဖြာ ချမ်းသာကြပါစေ။ ။
